Kreu i PD-së Sali Berisha, gjatë një bashkëbisedimi me ndjekësit në rrjetet sociale, tha se në Shqipëri është rikthyer një “diktaturë autoritare”.
Berisha e krahasoi qeverinë aktuale me regjimin e Ramiz Alisë dhe duke e akuzuar për “shpopullimin” e vendit përmes varfërisë dhe frikës.
Berisha gjithashtu kritikoi ashpër dekorimin e babait të kryeministrit, Kristaq Ramës, të cilin e quajti “xhelat i diktaturës komuniste”, duke e lidhur me firmosjen e ekzekutimit të poetit Havzi Nela.
Berisha: Dy ditë më parë, Edi Rama nderoi me mirënjohje të atin e tij xhelat. Skulptori Kristaq Rama ka qenë një xhelat i vërtetë i diktaturës. Është anëtar i nomenklaturës komuniste që ka kryer gjenocid ndaj shqiptarëve.
Flasim ne për gjenocid serb në Kosovë dhe ka qenë, por një gjë nuk duhet ta harrojmë, gjenocidi komunist në Shqipëri është i sanksionuar në të gjitha dokumentet, vendimet dhe ligjet e këtij shteti.
Dhe ky gjenocid u krye nga shqiptari ndaj shqiptarëve për qëllime klasore. Pardje dekoroi të atin, i cili ka firmosur, ky pseudo-intelektual ka firmosur krahas Ramiz Alisë, ngjitur mke firmën e tij, varjen në litar të Havzi Nelës. Çfarë ishte Havzi Nela? Një poet i apasionuar. Pesë mijë vargje për Kosovën.
