Ish-ambasadori Agim Nesho ka komentuar raportin IBAR dhe procesin e integrimit të Shqipëri në Bashkimi Europian, duke deklaruar se mosmiratimi i raportit nga Brukseli përbën një sinjal negativ për qeverinë shqiptare.
Nesho, në një lidhje të drejtpërdrejtë për News24, raporti është “një lajm i keq”, pasi evidenton problematika serioze që lidhen me shtetin e së drejtës, institucionet e pavarura dhe standardet demokratike që kërkon BE-ja.
Ish-diplomati tha se, ndonëse qeveria shqiptare nuk ka qenë transparente me opinionin publik mbi përmbajtjen e diskutimeve në Bruksel, nga informacionet gjysmëzyrtare rezulton se disa vende europiane kanë ngritur shqetësime serioze për situatën në Shqipëri.
