Partia Demokratike i është drejtuar zyrtarisht Komisionit Qendror të Zgjedhjeve (KQZ) me një kërkesë për pajisje zgjedhore në kuadër të procesit për zgjedhjen e kryetarit të partisë, ku në garë ka mbetur vetëm Sali Berisha.
Në shkresën e depozituar në KQZ më 6 maj 2026 dhe të firmosur nga sekretari organizativ Ervin Minarolli, PD kërkon vënien në dispozicion të:
- 30 kutive të votimit,
- 100 dhomave të fshehta,
- si dhe 700 vulave plastike të sigurisë për kutitë.
Sipas dokumentit, këto materiale nevojiten për të garantuar standardet e administrimit të zgjedhjeve që pritet të mbahen më 23 maj si dhe transparencën dhe sigurinë e votimit brenda partisë.
Ndërkohë, kërkesa ka tërhequr vëmendje për shkak se gara për drejtimin e PD-së tashmë konsiderohet formale, pasi kandidaturat e tjera janë skualifikuar, duke lënë Berishën kandidatin e vetëm.
Me një kandidat të vetëm në garë, rezultati dihet paraprakisht dhe anëtarësia do të votojë pa pasur realisht një alternativë tjetër përballë.
Kërkesa e PD-së
