Detaje të reja kanë dalë në dritë nga aksioni i ushtruar këtë të mërkurë në burgun e Fushë-Krujës.
Siç njofton Drejtoria e Përgjithshme e Burgjeve, kontrolli ka nisur në orën 17:30 dhe ka përfunduar në 19:30 dhe gjatë kontrollit janë konstatuar dhe sekuestruar telefona celularë, orë/telefona, mjete të improvizuara të mprehta dhe sende të tjera të palejuara.
Sipas fotove të publikuara në rrjete sociale, shihet se mes sendeve të sekuestruara ka edhe gota e karikues.
Sipas njoftimit, kontrolle të ngjashme pritet të vijojnë edhe në burgje të tjera në vend.
