Një 45-vjeçar i shpallur në kërkim ndërkombëtar nga autoritetet italiane është arrestuar nga Policia në Tiranë.
Në pranga ka rënë shtetasi Sokol Bushpepa, i lindur në Rrëshen, i dënuar më herët në Itali për trafik të lëndëve narkotike dhe pjesëmarrje në organizatë kriminale.
Sipas burimeve zyrtare, Bushpepa përdorte dy identitete, Kol Bushpepa dhe Sokol Bushpepa, për t’iu shmangur drejtësisë, ndërsa ishte në kërkim nga Interpol Roma.
45-vjeçari duhet të vuajë edhe një pjesë të mbetur të dënimit prej 4 vitesh e 18 ditësh burg. Autoritetet italiane kanë konfirmuar se tashmë ka nisur procedura për ekstradimin e tij drejt Italisë.
Ndaj tij rëndojnë akuza të rënda për përfshirje në veprimtari kriminale në fushën e trafikut të drogës, ndërsa pritet që në vijim të ndiqen procedurat ligjore për dorëzimin e tij tek autoritetet italiane.
