Një zjarr i përmasave të konsiderueshme ka rënë këtë të premte në Parkun Kombëtar të Qafshtamës.
Një lokal është përfshirë nga flakët, në rrethana ende të paqarta. Sipas raportimeve, lokali ndodhej vetëm pak metra nga burimi i njohur “Nëna Mbretëreshë” dhe ishte në pronësi të shtetasit Bukurosh Balliu.
Sipas të dhënave paraprake, dëmet janë të konsiderueshme, ndërsa fatmirësisht nuk raportohet për persona të lënduar.
Paraprakisht dyshohet se zjarri mund të jetë shkaktuar nga një shkëndijë elektrike.
