Nga Boldnews.al
Komisionerja për zgjedhrim e BE-së, Marta Kos, një personazh politik me petk Brukseli që për rastin e Shqipërisë e ndjen veten mjaftueshëm të lirë dhe përkëdhelur nga pushteti Rilindjes për të mbajtur qëndrime që bien ndesh edhe me raportet e OSBE/ODIHR, së fundmi është ulur me “këmbë në tokë”.
Kos po ndjen se “sugjerimet e saj” për “arritjet e mëdha të Shqipërisë” jo vetëm nuk vlejnë në vendimin që pritet të marrë Komisioni Europian, por mund të kthehen vetë asaj kundra, duke dhënë në Bruksel “zhvillime fake” nga Shqipëria. Raporti i IBAR që e cilëson Shqipërinë një vend që nuk zhvillon zgjedhje demokratike dhe së fundmi ndërhyrja e hapur e pushtetit ekzekutiv kundër drejtësisë cilësohen si argumenta të fortë që Ramës t’i vendoset një bllokadë e dukshme, duke rrezikuar ndërprejen e çdo nisme që afronte më shumë Shqipërinë me BE-në.
Në një qëndrim të mbajtur sot, Kos shprehet se gjashtë vendet e Ballkanit Perëndimor rrezikojnë që të mos përfitojnë mbi 700 milionë euro nga Plani i Rritjes, për shkak të moszbatimit të reformave. Shqipëria ishte në projekt me 67.7 milionë euro të cilat rrezikon seriozisht të mos i përthirhë për shkak të moszbatimit të kritereve dhe reformave të nëshkruara më parë.
Përtej “humbjes ekonomike”, që qeveria jonë nuk i konsideron si “problem”, pasi me duart e saj dogji nga makutëria e vjedhjes dhe abuzimit fondet e IPARD III të destinuara për bujqësinë, qëndrimet politike e lëndojnë ca. Komisionerja që konsideroi zgjedhjet e 11 majit të lira dhe të ndershme, duke çuditur edhe vetë Ramën, së fundmi ka bërë të qartë se Mali i Zi ka ecur shumë me reformat, madje sipas saj mund të jetë gati për tu anëtarësuar në BE me të drejta të plota.
Për Ramën dhe Vuçiç ajo kishte një tjetër kritikë të hapur, që më shumë se bindje, prej saj duket një zë që tenton të shkojë në unison me eprorët e saj. Duke folur për idenë e një “anëtarësimi të lehtësuar”, të përmendur në një letër të përbashkët nga kryeministri Edi Rama dhe presidenti serb Aleksandar Vuçiç, ajo u shpreh qartë se nuk mbështet një model të tillë.
“Nuk ka anëtarësim “light”. Ose je anëtar dhe atëherë i merr të gjitha të drejtat. Ose nuk je anëtar dhe nuk i merr të drejtat. Por sigurisht, e kuptoj këtë letër nga zoti Vuçiç dhe Rama, në kuptimin që nëse BE-ja do të ketë probleme, e dini, për të vazhduar me procesin e zgjerimit, ata do të ishin të kënaqur me diçka më pak. Kjo është zgjedhja e tyre. Unë nuk e mbështes këtë”, tha Kos. Mjaftojnë vetëm dy qëndrimet e fundit të “komisioneres” që “zgjeroi” propagandën e Ramës, për të kuptuar se tashmë as Kosi nuk i bën më fajde kreut të qeverisë sonë.
