Një aksident është shënuar këtë të hënë, në kthesën e Goriçajt, Lushnje, ku dy automjete janë përplasur me njëra-tjetrën.
Një prej makinave ka përfunduar në kanalin me ujë, ndërsa tjetra e ngarkuar me fidanë pemësh është dëmtuar në pjesën e përparme.
Nga ky aksident janë lënduar tre persona, njëri prej të cilëve është në gjendje më të rëndë shëndetësore.
Të lënduarit ndodhen në Spitalin Rajonal të Lushnjes për të marrë ndihmën e nevojshme mjekësore.
Sakaq, uniformat blu ndodhen në vendngjarje për sqarimin e rrethanave të këtij aksidenti.
