Papa Leone XIV ka kritikuar ashpër udhëheqësit që investojnë shuma të mëdha parash në luftë, duke thënë se bota po shkatërrohet nga një grusht tiranësh që zgjedhin dhunën mbi paqen.
Këto komente të Atit të Shenjtë u bënë në Kamerun, pasi kritikave publike të presidentit të SHBA Donald Trump.
Papa kritikoi gjithashtu udhëheqësit që përdorën gjuhë fetare për të justifikuar luftërat dhe kërkoi një “ndryshim vendimtar të kursit”.
“Mjeshtrat e luftës bëjnë sikur nuk e dinë se mjafton vetëm një çast për të shkatërruar, por shpesh një jetë e tërë nuk është e mjaftueshme për të rindërtuar.
Ata mbyllin sytë ndaj faktit se miliarda dollarë shpenzohen për vrasje dhe shkatërrime, megjithatë burimet e nevojshme për shërim, edukim dhe restaurim nuk gjenden askund.”, u shpreh Papa.
Ndonëse Papa nuk përmendi emër, këto komente vijnë pas përplasjes publike me presidentin e SHBA Donald Trump. Ai përsëriti nevojën për investime në zgjidhje paqësore dhe bashkëpunim ndërkombëtar në vend të përshkallëzimit ushtarak.
