Një zjarr i përmasave të mëdha ka përfshirë pasditen e sotme (14 prill) kompleksin e pallateve të ndërtuar nga kompania në pronësi të Armand Lilos, pranë tregut të Medresesë dhe afër godinave të konvikteve të Mjekësisë. Pallati i ndërtuar nga Arlis SHPK, afër zonës së Farmacisë nr. 10, mori flakë për shkaqe ende të paqarta.
Fasada e pallatit është përfshirë nga flakët dhe forca të shumta zjarrfikëse janë përballur me një situatë të vështirë, pasi flakët janë përhapur me shpejtësi.
Ky kompleks pallatesh është përfshirë nga flakët edhe disa vite më parë. Kujtojmë që në vitin 2021 kompleksi i pallateve të ndërtuara nga firma Arlis SHPK, kur ishte ende në fazë ndërtimi, u përfshi nga zjarri dhe iu dogj fasada.
Disa të lënduar, vijojnë evakuimet
QSUT ka dhënë detaje lidhur me situatën e qytetarëve të prekur nga zjarri që përfshiu kompleksin e banimit në Tiranë.
Mësohet se 6 persona janë lënduar, bëhet fjalë për 3 qytetarë dhe 3 zjarrfikës që po trajtohen për asfiksi.
Forcat zjarrfikëse po evakuojnë banorët të cilët ndodhen ende brenda pallatit.
Ndërkohë që nuk kanë munguar as konfrontimet mes banorëve dhe forcave të rendit të cilët kanë vendosur perimetrin e sigurisë duke mos lejuar askënd t’i afrohet kompleksit.
Ushtria ndërhyn me helikopter, forcat RENEA në vendngjarje
Forcat e ushtrisë kanë ndërhyrë me helikopter për shuarjen e flakëve dhe vënien nën kontroll të situatës në pallatin pranë Spitalit “Nënë Tereza” në Tiranë.
Ndërkohë, aksionit për evakuimin e banorëve nga pallati i janë bashkar edhe forcat speciale RENEA.
Shkak djegia e kartonave të “Big Market” në katin e parë
Raportohet se zjarri ka nisur në ambientet e “Big Market”, në katin e parë të pallatit.
Dyshohet se shkaku i mundshëm i zjarrit ka qenë ndezja e disa kartonave pranë marketit. Prej aty, zjarri më pas është përhapur me shpejtësi drejt kateve të sipërme, duke përfshirë fasadën dhe apartamentet.
Një zjarr i përmasave të mëdha ka përfshirë pasditen e sotme (14 prill) kompleksin e pallateve të ndërtuar nga kompania në pronësi të Armand Lilos, pranë tregut të Medresesë dhe afër godinave të konvikteve të Mjekësisë. Pallati i ndërtuar nga Arlis SHPK, afër zonës së Farmacisë nr. 10, mori flakë për shkaqe ende të paqarta.
Fasada e pallatit është përfshirë nga flakët dhe forca të shumta zjarrfikëse janë përballur me një situatë të vështirë, pasi flakët janë përhapur me shpejtësi.
Ky kompleks pallatesh është përfshirë nga flakët edhe disa vite më parë. Kujtojmë që në vitin 2021 kompleksi i pallateve të ndërtuara nga firma Arlis SHPK, kur ishte ende në fazë ndërtimi, u përfshi nga zjarri dhe iu dogj fasada.
Disa të lënduar, vijojnë evakuimet
QSUT ka dhënë detaje lidhur me situatën e qytetarëve të prekur nga zjarri që përfshiu kompleksin e banimit në Tiranë.
Mësohet se 6 persona janë lënduar, bëhet fjalë për 3 qytetarë dhe 3 zjarrfikës që po trajtohen për asfiksi.
Forcat zjarrfikëse po evakuojnë banorët të cilët ndodhen ende brenda pallatit.
Ndërkohë që nuk kanë munguar as konfrontimet mes banorëve dhe forcave të rendit të cilët kanë vendosur perimetrin e sigurisë duke mos lejuar askënd t’i afrohet kompleksit.
Ushtria ndërhyn me helikopter, forcat RENEA në vendngjarje
Forcat e ushtrisë kanë ndërhyrë me helikopter për shuarjen e flakëve dhe vënien nën kontroll të situatës në pallatin pranë Spitalit “Nënë Tereza” në Tiranë.
Ndërkohë, aksionit për evakuimin e banorëve nga pallati i janë bashkar edhe forcat speciale RENEA.
Shkak djegia e kartonave të “Big Market” në katin e parë
Raportohet se zjarri ka nisur në ambientet e “Big Market”, në katin e parë të pallatit.
Dyshohet se shkaku i mundshëm i zjarrit ka qenë ndezja e disa kartonave pranë marketit. Prej aty, zjarri më pas është përhapur me shpejtësi drejt kateve të sipërme, duke përfshirë fasadën dhe apartamentet.
