Kryetari i PD, Sali Berisha, në një videomesazh ditën e sotme akuzoi Edi Ramën për mashtrime mbi rritjen e rrogave dhe pensioneve, duke e cilësuar bonusin për pensionistët minimal dhe qesharak.
Berisha theksoi se pagat mbeten më të ulëtat në rajon dhe fajësoi qeverinë për emigrimin masiv, duke iu referuar të dhënave të Eurostat.
Sipas tij, pensionistët marrin pension sa 2 kg domate në muaj, ndërsa shtoi se nisur nga rritja dhe abuzimi me çmimet, Rama mashtron sa i takon rritjes së pagave.
Berisha vuri në dyshim edhe shifrat për investimet e huaja dhe deklaroi se ekonomia ndodhet në rënie, me tkurrje të prodhimit dhe eksporteve.
