Një shtetas shqiptar i shpallur në kërkim ndërkombëtar me “kod të kuq” nga Interpol është arrestuar në Pereira, të Kolumbisë.
Sipas mediave të huaja, bëhet fjalë për shtetasin Florind Rama, i dyshuar për përfshirje në një ngjarje të rëndë kriminale të ndodhur në vitin 2022 në Marbella. Sipas hetimeve, ai akuzohet për rrëmbim, torturë dhe vrasje.
Sipas policisë kolumbiane, hetimet e lidhin Ramën me një rrjet kriminal me origjinë shqiptare dhe shtrirje në disa vende të Evropës. Në këtë strukturë, ai dyshohet se kishte rol në aktivitetet e dhunshme, përfshirë raste torture dhe vrasjesh me pagesë.
Autoritetet po vijojnë verifikimet për lidhje të mundshme të tij me rrjete të trafikut të drogës në rajon, duke analizuar kontaktet dhe lëvizjet e tij në Kolumbi.
