Seanca e sotme plenare në Kuvend u shoqërua me tensione dhe debate të forta, duke çuar në braktisjen e saj nga opozita.
Edhe këtë të enjte, mazhoranca me forcën e kartonit ka miratuar 7 projektligje, mes të cilave u votua dhe përbërja e institucioneve të pavarura.
Me 75 vota pro mazhoranca zgjodhi emrin e Denar Bibës si anëtar të Autoritetit të Konkurrencës, duke i siguruar një mandat të dytë në këtë institucion. Megjithatë, pesë deputetë të shumicës, kanë votuar kundër gjatë votimit me elektronikë.
Gjithashtu, u miratuan disa projektligje të tjera, mes tyre marrëveshje ndërkombëtare dhe ndryshime ligjore, të cilat kaluan me shumicë votash nga deputetët socialistë.
Projketligjet e votuar në Kuvend:
Projektligji “Për aderimin e Republikës së Shqipërisë në Traktatin e Singaporit mbi Ligjin e Markave Tregtare, bërë në Singapor, më 27 mars 2006”.
VOTIMI: 79 pro, 0 abstenim, 4 kundër
Projektligji “Për ratifikimin e vendimit nr. 1/2025 të Komitetit të Përbashkët, i krijuar nga marrëveshja e tregtisë së lirë, ndërmjet Republikës së Shqipërisë dhe Republikës së Turqisë, për ndryshimin e marrëveshjes ndërmjet Republikës së Shqipërisë dhe Republikës së Turqisë, duke zëvendësuar protokollin II të saj, në lidhje me përcaktimin e konceptit të “produkteve origjinuese” dhe metodave të bashkëpunimit administrativ”.
VOTIMI: 80 pro, 0 abstenim, 0 kundër
Projektligji “Për aderimin e Republikës së Shqipërisë në Traktatin e Najrobit për Mbrojtjen e Simbolit Olimpik, bërë në Najrobi, më 26 shtator 1981”.
VOTIMI: 79 pro, 0 abstenim, 2 kundër
Projektligji “Për disa shtesa dhe ndryshime në ligjin nr. 58/2022, “Për krijimin, organizimin dhe funksionimin parqeve teknologjike dhe shkencore””.
VOTIMI: 78 pro, 0 abstenim, 4 kundër
Projektligji “Për disa shtesa dhe ndryshime në ligjin nr. 34/2019, datë 17.06.2019, “Pёr administrimin e pasurive të sekuestruara dhe të konfiskuara”, të ndryshuar”. (Nismë e Klevis Balliut)
VOTIMI: 4 pro, 0 abstenim, 79 kundër
Projektvendimi “Për zgjedhjen e anëtarit të Komisionit të Autoritetit të Konkurrencës”
Eldian Balla– 3 pro, 5 abstenim, 71 kundër
Denar Biba– 75 pro, 0 abstenim, 5 kundër
Projektvendimi “Për zgjedhjen e anëtarit të Këshillit Drejtues të Autoritetit të Komunikimeve Elektronike dhe Postare”
Diana Dervishi– 74 pro, 4 abstenim, 1 kundër
