Një situatë e paprecedentë është regjistruar pasditen e kësaj të enjte në zonën e rrethrrotullimit të Rinasit, rreth 300 metra nga mbikalimi.
Sipas të dhënave paraprake, një person ka shkaktuar përplasje me katër automjete dhe më pas ka zbritur nga mjeti duke mbajtur në dorë një hanxhar, me të cilin ka kërcënuar dhe ndjekur kalimtarë të rastit.
Situata mund të kishte marrë përmasa më të rënda, por agresori është kapur nga efektivët.
Deri në këto momente, identiteti i personit të ndaluar nuk është bërë publik. Ngjarja është raportuar nga një qytetar pranë JOQ, ndërsa deri më tani nuk ka një reagim zyrtar nga Policia.
“Pershendetje! Kam nje rast qe dua ta publikoni urgjent ju lutem! Para 20 min ne rrugen e rinasit ishte nje person me nje hanxhar ne dor qe kishte perplasur disa automjete dhe kercenonte kalimtaret e rastit me hanxhar. Aty rastesisht ishin 3 efektiva te forcave te armatosura me saktesisht me sa morem vesh ishin efektiv te forcave speciale te marines detare grupit te bordingut qe nderhyn dhe e neutralizuan duke i hequr hanxharin qe mbante ne dor dhe i vun prangat dhe e mbajten te neutralizuar deri sa erdhen policia qe ben shoqerimin e tij. Ishte diku 300 m larg mbikalimit te rinasit. Ata cunat e ushtris ishin rastesisht aty. Ai kishte perplasur 4 automjete tjera dhe kishte dal me hanxhar ne dor dhe ndiqte njerezit e rastesishem aty”, thuhet në denoncimin e bërë nga qytetari.
