Organi mbikëqyrës i internetit NetBlocks ka deklaruar se ndërprerja e internetit në Iran ka hyrë në ditën e 30-të.
“Tani që ka zgjatur më shumë se një muaj, ndërprerja mbetet ende në fuqi, duke shkelur të drejtën e iranianëve për të komunikuar dhe për të qëndruar të informuar”, tha NetBlocks në X.
Nivelet e lidhjes në Iran janë rreth 1% e niveleve të zakonshme, thotë Netblocks, me ndërprerjen që zgjati më shumë se 696 orë.
Që kur SHBA-të dhe Izraeli goditën për herë të parë Iranin, regjimi i tij ka bllokuar pothuajse plotësisht aksesin e vendit në internet.
Kjo pasoi një tjetër ndërprerje të internetit për disa javë në fillim të këtij viti, gjatë protestave mbarëkombëtare kundër regjimit.
