Sali Berisha deklaron se Belinda Balluku ka pasur në menaxhim 12 mld euro për infrastrukturën, por këto janë shpërdoruar.
Në konferencë me gazetarët, kryedemokrati i bëri thirrje vendeve të Evropës dhe Botës, por edhe bankave të huaja që të “ngrijnë” llogaritë bankare të Belinda Ballukut dhe kryeministrit Rama.
Sipas tij, çdo qindarke e tyre është para e vjedhur tek qytetarët shqiptarë.
“Imagjinoni ju 12 mld euro që ka patur ajo në portofolin e saj dhe që ka gjithsej në sipërfaqe 15 rrugë të shkatërruara dhe s’ka asgjë që u mbetet shqiptarëve. Do të ishte shkelje të të gjitha konventave ndërkombëtare pranimi i kërkesave të saj. Rikujtoj edhe njëherë se cdo qindarkë e saj është vjedhje që Rama dhe Balluku u ka bërë shqiptarëve. Ndaj u bëj thirrje vendeve të Evropës dhe të Botës, institucioneve financiare ndërkombëtare dhe bankave të huaja, të ngrijnë me urgjencë çdo llogari bankarë të Lubi Ballukut dhe Edi Ramës, sepse ato janë pasuri të qytetarëve shqiptare”, tha Berisha.
