Policia serbe ka arrestuar sot katër shqiptarë, pasi kishin shpalosur bluza me motive kombëtare, në territorin e Serbisë.
Të arrestuarit janë A.S. (37-vjeç), E.V. (42 vjeç), E.G. (48 vjeç) dhe A.C. (21 vjeç), me arsyetimin se kanë kryer veprën penale të nxitjes së urrejtjes dhe intolerancës kombëtare, racore dhe fetare.
Sipas raportimeve, i arrestuari A.S., sot kishte postuar një video në llogarinë e tij në Facebook, ku shfaqet në një makinë të tipit Audi në shoqërinë e të dyshuarve të tjerë dhe duke shfaqur simbolet e Shqipërisë Etnike
Të dyshuarve u është urdhëruar paraburgimi deri në 48 orë, pas së cilës ata do të dërgohen në Prokurorinë e Lartë Publike në Beograd me një kallëzim penal.
