Një efektiv policie është reklamuar si hero këtë të hënë, i cili gjatë protestës së PD-së të mbajtur një ditë më parë të Kryeministria, ngriti një flamur që kishte rënë përtokë.
Duke folur për Report TV, efektivi Edison Mehmetaj, ka deklaruar se të njëtin veprim do ta bënte edhe nëse do ishte një qytetar i thjeshtë, ndërkohë që TV pranë socialistëve, është munduar ta shesë imazhin dhe veprimin e tij si heroik, nga ana e Policisë.
“Kaloi një ditë goxha e ngarkuar. E përgjithshmja ishte që kaloi mirë. Nuk pati të lënduar nga kolegët tanë. Në ato momente, ishte komplet blur sepse ne kishim edhe skafandër, edhe kundërgaz, edhe nuk arrihej që të dallohej shumë. Për një moment m’u duk në tokë diçka edhe u afrova pasi pashë që ishte flamuri. Për një moment Xhelal Mziu kujtoi se do agravonte situata, por unë kisha qëllimin që të merrja direkt flamurin, s’kisha qëllim tjetër.
Pjesa e flamurit, faleminderit që e vlerësoni nga ana juaj, por unë do bëja detyrën edhe nëse do isha thjeshtë qytetar. Të njëjtën gjë do ta bëja në çdo lloj forme, edhe nëse do isha protestues. Nuk do e lija flamurin në tokë. Pjesa e të protestuarit është legjitime në çdo vend të botës, por të mos bëhemi mercenarë. Sepse veprimet shkak-pasojë pastaj dihen. Në rast dhune do kundërpërgjigjemi. Nëse ti del duke duartrokitur aty, proteston, ke të drejtën tënde që të protestosh sa të duash”, ka rrëfyer efektivi.
