Ish-deputeti demokrat Ervin Salianji ka reaguar ndaj deklaratës së kreut të PD-së Sali Berisha, i cili gjatë një deklarate për shtyp deklaroi se Salianji i kishte kërkuar mendim për një deklaratë që, sipas tij, i ishte kërkuar nga autoritetet, ku duhej të garantonte se nuk do të “vrasë” ish-ministrin Fatmir Xhafaj.
Në reagimin e tij, Salianji e cilësoi këtë deklaratë si shpifje dhe shenjë të frikës e dëshpërimit. “Sa për hallin që ka se mos ‘vras’ Xhafën, i flet subkoshienca se ka merak se mos ‘vrasim’ Ramën me votë”, u shpreh ai.
Salianji shtoi se akuzat për vrasje dihet kush i ka mbi shpinë dhe se Berisha po tregon “mendësi vrasëse”, pasi dikush që dëgjon biseda të tilla dhe nuk i denoncon, tregon për veten.
Ai theksoi se Berisha ka turpëruar veten dhe ka rënë në një nivel të paimagjinueshëm, “siç nuk ia urojnë as kundërshtarët më të ashpër”.
Reagimi i Salianjit:
Në mungesë të votës, shpik etiketa.
Në mungesë të garës, shpall “të vetëpërjashtuar”.
Sa më shumë flet për përjashtime, aq më e qartë bëhet frika nga gara.
Partia Demokratike nuk është klub privat ku hyrjet dhe daljet vendosen me humorin e një njeriu, por një forcë politike që duhet të funksionojë me rregulla dhe me votën e anëtarëve të saj.
Ironike që ky që flet për demokraci, është i pari që i trembet asaj.
Unë nuk kam nevojë për bekime, as për leje.
Kam vetëm një kërkesë: garë të hapur dhe votë të lirë.
Pjesa tjetër është zhurmë për të mbuluar frikën. E frikë bën mirë që ka se e ka keqpërdorur funksionin për interesa personale dhe biznesi! Demokratët duan një Parti Demokratike fituese!
Sa për hallin që ka se mos “vras” Xhafën”, i flet subkoshienca se ka merak se mos “vrasim” Ramën me votë. Burri ka kohë te turpërohet gjithë jeten e vet, por të bier në këtë nivel është e paimagjinueshme dhe është fiks siç nuk e urojnë as kundërshtarët më të ashpër!
Shpifje si kjo tregojnë sa të madhe e ka frikën dhe dëshpërimin. Akuzat për vrasje dihet kush i ka mbi shpinë, siç dhe tregon mëndesinë vrasëse sepse dikush që dëgjon këto biseda dhe nuk i denoncon tregon për veten!
Meqë ky po e mbështet SPAK këtë periudhë, unë jam i gatshëm dhe i bëj thirrje SPAK të nisë hetimin për tentativë vrasje ose moskallëzim krimi.
LEXO EDHE:
