Një ngjarje e rëndë ka ndodhur mbrëmjen e sotme në fshatin Majac të Podujevës, ku një person ka mbetur i vrarë dhe dy të tjera janë plagosur. Sipas mediave të Kosovës, e dyshuara për vrasjen është një grua rreth 30 vjeçe, e cila dyshohet se kishte një raport me viktimën.
Ngjarja dyshohet të ketë ndodhur gjatë një konflikti në oborrin e shtëpisë, ndërsa gjatë përplasjes ka ndërhyrë edhe gruaja e xhaxhait, e cila ka mbetur e plagosur.
Ndërkohë, dy të plagosurat janë dërguar në QKUK për trajtim dhe janë në gjendje të rëndë shëndetësore.
Autoritetet kanë nisur hetimet për zbardhjen e plotë të rrethanave të kësaj ngjarjeje të rëndë.
