Niko dhe Afrim Sina janë ekstraduar ditën e sotme nga Shqipëria drejt Italisë. Dy kushërinjtë ishin shpallur në kërkim ndërkombëtar nga autoritetet italiane pasi dyshohen për kryerjen e veprës penale të vrasjes.
Ata ishin në listën e 100 personave më të kërkuar në Itali dhe do të ekstradohen drejt shtetit fqinj.
Kushërinjtë akuzohen se në vitin 22 shtator 1999, kanë vrarë me sende të forta dhe mjetë prerëse një shqiptar dhe plagosën rëndë një tjetër. Ngjarja ka ndodhur në Komunen Griciniano d’Aversa për arsye të lidhura me ndarjen e të ardhurave nga aktivitete të paligjshme.
Andon (alias Afrim) Sina dhe Niko (alias Faslli) Sina janë dënuar me vendim të formës së prerë nga Gjykata e Apelit të Napolit në Itali në vitin 2006, me nga 14 vjet e 11 muaj burgim secili për veprat penale “Vrasja me dashje e kryer në bashkëpunim”, dhe “Vrasja e mbetur në tentativë”.
