Një ngjarje e rëndë është raportuar në Prishtinë, ku një fëmijë vetëm 5 vjeç dyshohet se është dhunuar dhe keqtrajtuar në mënyrë të vazhdueshme nga prindërit e tij.
I mituri është dërguar me urgjencë në Klinikën e Pediatrisë, ku aktualisht ndodhet në kujdes intensiv.
Sipas mjekëve, ai i është nënshtruar një ndërhyrjeje kirurgjikale në nivel të shputave nga ekipet e Ortopedisë dhe Kirurgjisë Plastike. Gjendja e tij gjatë operacionit ka qenë stabile, ndërsa pas ndërhyrjes po vijon trajtimin dhe mbikëqyrjen mjekësore.
Autoritetet bëjnë me dije se prindërit, të identifikuar me inicialet A.K. dhe V.P., janë ndaluar nga policia dhe ndaj tyre është caktuar masa e paraburgimit prej një muaji. Ata dyshohen për veprat penale “Shkelja e detyrimeve familjare” dhe “Lëndim i rëndë trupor”.
Ndërkohë, hetimet vijojnë për zbardhjen e plotë të rrethanave të kësaj ngjarjeje të rëndë.
