Partia Demokratike ka mbledhur sot Kryesinë, ku janë zbardhur edhe disa vendime që ka marrë kjo forcë politike.
Sipas raportimeve, në mbledhje është vendosur që zgjedhjet në degët e PD duhet të mbarojnë deri në 30 Prill.
Ndërkohë më 23 Maj do të mbahet zgjedhja e Kryetarit të PDSH, ndërsa Kuvendi Kombëtar do të mblidhet më 6 Qershor.
Gjatë mbledhjes së Kryesisë është vendosur gjithashtu krijimi i një grupi pune për rishikimin e Statutit të partisë. Ky grup do të drejtohet nga Gazment Bardhi si kryetar dhe do të ketë në përbërje këta anëtarë:
1. Gazment Bardhi – Kryetar
2. Oerd Bylykbashi – Anëtar
3. Ivi Kaso – Anëtar
4. Gent Strazimiri – Anëtar
5. Enno Bozdo – Anëtar
6. Elda Hoti – Anëtar
7. Keltis Kruja – Anëtar
8. Adriana Kalaja – Anëtar
9. Marash Logu – Anëtar
10. Franc Nuri – Anëtar
Ky grup pritet të punojë për ndryshimet dhe përditësimin e Statutit të partisë, të cilat më pas do të diskutohen dhe miratohen në forumet e PD-së.
