Policia e Shkodrës ka arrestuar një 31-vjeçar të shpallur në kërkim për veprën penale “Largimi i të burgosurit nga vendi i qëndrimit”.
Sipas njoftimit zyrtar, në pranga u vu shtetasi S. Gj., banues në fshatin Gur i Zi.
Gjykata e Shkodrës kishte caktuar ndaj tij masën e sigurisë “arrest me burg” në mungesë, e cila u ekzekutua nga uniformat blu. Nuk janë dhënë detaje të tjera mbi dinamikën e largimit të tij nga vendi i qëndrimit.
Ndërkohë, policia ka proceduar penalisht edhe një tjetër shtetas, A. Gj., 24 vjeç, banues në Shkodër. Në lokalin që ai administronte, u gjet një armë sportive e mbajtur pa leje, si dhe dy celularë që dyshohet se përdoreshin për vendosjen e basteve sportive.
Arma dhe pajisjet elektronike u sekuestruan si prova materiale, ndërsa dosja iu referua Prokurorisë për hetime të mëtejshme.
