Policia e Vlorës ka arrestuar në flagrancë një 23-vjeçar nga Kosova, i cili dyshohet se tentoi të vidhte një automjet tip furgon në qytetin bregdetar.
Sipas njoftimit të policisë, në pranga ka rëndë shtetasi G. P., 23 vjeç, banues në Pejë.
I riu u kap më 10 mars 2026, në orët e para të mëngjesit, në lagjen “24 Maji”, në momentin që po tentonte të vidhte një furgon.
Gjatë kontrollit fizik, shërbimet e policisë i gjetën dhe sekuestruan një armë të ftohtë (thikë), e cila u mor në cilësinë e provës materiale.
Nga veprimet hetimore të kryera deri tani rezulton se i njëjti shtetas dyshohet të jetë autor edhe i një vjedhjeje tjetër të ndodhur më 6 mars 2026, në një lokal në lagjen “10 Korriku” në Vlorë, ku është marrë një shumë parash.
Policia vijon hetimet për dokumentimin e plotë të kësaj ngjarjeje dhe për të verifikuar nëse 23-vjeçari mund të jetë i përfshirë edhe në raste të tjera vjedhjesh.
Materialet procedurale i janë referuar Prokurorisë së Vlorës për veprat penale “Vjedhja” dhe “Mbajtja pa leje e armëve të ftohta”.
