Një zjarr ka rënë në orët e para të mëngjesit të sotëm, në një fabrikë për përpunimin e mbetjeve të ullirit, në fshatin Golem i Madh.
Sipas informacionit paraprak të policisë, dyshohet se zjarri është shkaktuar si pasojë e një shkëndije elektrike. Flakët kanë përfshirë ambientet e fabrikës, duke shkaktuar vetëm dëme materiale.
Fatmirësisht nuk raportohet për persona të lënduar.
Në vendngjarje kanë shkuar shërbimet përkatëse, ndërsa grupi hetimor po punon për dokumentimin e plotë të rrethanave dhe përcaktimin e shkakut të saktë të zjarrit.
“Në orët e para të mëngjesit, në fshatin Golem i Madh, dyshohet se si pasojë e një shkëndije elektrike, ka rënë zjarr në një fabrikë për përpunimin e mbetjeve të ullirit. Si pasojë pati vetëm dëme materiale. Grupi hetimor po punon për dokumentimin e rrethanave të rastit.”, thuhet në njoftimin e policisë.
