Avokati Genc Gjokutaj ka reaguar lidhur me debatin për heqjen e imunitetit të Belinda Ballukut, duke e cilësuar situatën si alarmante për funksionimin e shtetit dhe raportet me Bashkimin Europian.
I ftuar në Syri TV, Gjokutaj u shpreh se vendimmarrja politike në këtë rast po dominohet nga vullneti i një personi të vetëm, duke e përshkruar situatën si një “one man show”.
Sipas tij, Edi Rama po ndërhyn në mënyrë të drejtpërdrejtë në institucionet e drejtësisë për të mbrojtur interesat politike.
Ai theksoi se është e paprecedentë që ligjet të ndryshohen apo të interpretohen për shkak të një rasti të veçantë, duke shtuar se një veprim i tillë cenon parimet mbi të cilat funksionon një shtet ligjor.
“Në fakt jemi në një situatë one man show. Pra, mos kujtoni se ai dialogon me me dikë. Të gjithë ata që i ka rrotull atje, ai bën sikur komunikon me ta, bën sikur rekomandon, në fakt është one man show. Ai mendon atë që i duhet, urdhëron të ekzekutohet ajo që i duhet dhe ndërhyn dhunshëm në indin më të butë të një shteti që është drejtësia. Nuk ka bërë vaki ndonjëherë në histori, flas të Shqipërisë, se në botë jo e jo, që të ndërhyhet për një person, të ndryshohet ligji, në fakt për një bandë, të ndryshohet ligji me një vullnet të tillë ekzekutiv, i pakonsultuar, në moment, vetëm e vetëm sepse cënohet interesi i tij politik. Pra, zoti Rama po sakrifikon gjithçka ë, për pushtetin e tij. Edhe njëherë, është one man show. Nuk është se flet me dikë apo komunikon diçka.
Po shikoni, tashmë letrat janë hapur. Pavarësisht se forcën e ekzekutivit dhe mazhorancës, votat që ai ka në parlament po i përdor pa kursim ë, për të ushtruar vullnetin e tij, gjëja është është e qartë. Zëvendësja e tij, që alias janë të dy, dy në një, është me kërkesë arresti në kuvend. Dhe kjo është alarmante, për një shtet i cili po hap, siç thotë Rama, kapitujt me shpejtësi shumë të madhe drejt Bashkimit Europian.
Ndërkohë që Europa ka vënë gishtin pikërisht këtu. Dhe është muri ndarës thotë, i qëndrimit ndaj kësaj çështje është muri ndarës me Europën. Ky pikërisht vepron në kundërshtim me këtë dhe kjo nuk është se e thotë Europa sepse, se në emër të një rasti të veçantë. Kjo është një vlerë universale e Europës, e principeve të cilat bazohet qytetërimi europian dhe një ë, të themi, një, një, një pikë në mes të kësaj Europe.
Po shkatërrohet përditë nga, nga një pushtet nominal i një personi. Edhe ai frikën e ka sepse, ju duhet të kuptoni një gjë. Sa ka filluar gjithë kjo situatë, keni parë sa lëvizje ka bërë kryeministri? Ka përdorur pushtetin e tij për të vënë në lëvizje Gjykatën Kushtetuese. Ka bllokuar GJKKO-në duke përdorur mjete jashtëzakonshëm, ankimi kushtetuesen. Ka bllokuar parlamentin aq ditë sa i duhej atij dhe si asnjëherë tjetër del dy ditë para dhe deklaron thotë nuk ja heqim imunitetin zonjës Balluku. Pra, ndodhemi në një situatë lufte, në kuptimin shtetëror. Pra, në një situatë ku institucionet janë të paralizuara totalisht për shkak të një interesi të pastër politik.
Po ju mendoni që Rama reziston se e ndjen veten jashtë kësaj loje? Është pikërisht kjo arsyeja. Që Rama ka hyrë në këtë karusel ka vite, a kupton? Dhe tashti po qëndron, jo për Belinda Ballukun, po qëndron për vete. Shikoni Adi, Rama në çdo situatë, qoftë në favor, qoftë në disfavor të tij, ka pasur një rit, pra ka shpjeguar fabulën. Në rastin konkret, as Belinda, as kryeministri Rama, nuk kanë dalë të thonë gjysëm fjale mbi ato atribuime që shtypi i SPAK-ut edhe SPAK-u i kanë komunikuar zëvendëses së tij, por alias Ramës, sepse ju e dini që VKM-ja është firmosur nga ky kryeministër. Flas për tunelin e Llogarasë. Dhe për të gjitha aferat e tjera, të cilat i ka firmosur Belinda Balluku, por tamtamet, ë, edhe, edhe, edhe muzikën e ka luajtur Rama.
Ju i mbani mend që Rama është mburrur pikërisht me këtë që sot është i detyruar të mbrohet si vepra korruptive. Ky është i gjithë problemi që ekziston sot dhe ai shikoni se si po varion. Pra nuk është konsekuent në qëndrimin e tij dhe zakonisht…
Atëherë, së pari njëherë, kundërshtia që kryeministri bën për mos heqjen e imunitetit të zonjës Balluku, sigurisht që do përshkallëzojë qëndrimin e SPAK-ut. SPAK-u në fakt, ka ceduar që në fillim të kësaj çështjeje, unë e kam thënë shumë herë, po e përsëris prapë, që zonja Balluku nuk ka përgjegjësi për shkeljen e barazisë së tenderave, aty kemi ose korrupsion ose pafajësi”,- tha Gjokutaj.
