Mentor Çuku është emëruar Zëvendësdrejtor i Byrosë Kombëtare të Hetimit (BKH). Vendimi u mor nga Drejtori i BKH-së, me pëlqimin e Drejtuesit të Prokurorisë së Posaçme.
Për këtë pozicion kishin aplikuar 11 kandidatë, ndërsa Çuku, hetues i BKH-së, u përzgjodh për përvojën e gjatë në hetimin e korrupsionit, krimit të organizuar dhe krimeve të rënda.
Sipas njoftimit zyrtar, gjatë karrierës së tij ai është dalluar për integritet profesional, aftësi drejtuese dhe përkushtim në detyrë.
Mandati i Zëvendësdrejtorit është 4-vjeçar, me të drejtë rizgjedhjeje vetëm një herë.
