Një sherr që ka degraduar në përplasje fizike është regjistruar pasditen e kësaj të diele, mes disa të rinjve në Vlorë, në zonën e “Ujit të Ftohtë”.
Sipas informacioneve paraprake, disa të rinj janë përfshirë në një debat, shkaqet e të cilit ende nuk dihen dhe më pas situata ka agravuar, duke kaluar në shtyrje dhe goditje mes tyre.
Në një moment, disa prej të rinjve kanë shtyrë dhe qëlluar një person tjetër të përfshirë në konflikt. Pas përplasjes, i riu është larguar nga vendngjarja me automjetin e tij.
Shkaqet e konfliktit mbeten ende të paqarta, ndërkohë policia ndodhet në vendngjarje për sqarimin e plotë të rrethanave të rastit.
