Prokuroria e Posaçme Kundër Korrupsionit dhe Krimit të Organizuar ka mbyllur hetimin për një fraksion të dosjes së Inceneratorit të Elbasanit, ku mes të pandehurve është edhe ish-zëvendëskryeministri Arben Ahmetaj.
Përmes avokatit të tij, SPAK i ka komunikuar Ahmetajt tre akuza “korrupsion pasiv”, “pastrim parash”, “fshehje dhe mos deklarim pasurie”.
Ndërkohë akuzë zyrtare u ka komunikuar edhe bashkëjetueses së tij Erjola Hoxha, ish-bashkëshortes Albina Mançka, Klodian Zotos, Mirel Mërtirit si dhe shtetasve A.B, G,K, S.M, E.B dhe E.D
Kjo dosje doli si fraksion më vete për procedimin e inceneratorit të Elbasanit. Çështja u hetua nga tre prokurorët e posaçëm Altin Dumani, Enkeleda Millonai dhe Bledar Maksuti.
Kujtojmë që Arben Ahmetaj është shpallur në kërkim nga Prokuroria e Posaçme prej muajit korrik të vitit 2023, ndërkohë që organi akuzës ka vendosur në sekuestro disa prona në emër të tij dhe familjarëve të tij.
