Shqipëria Bëhet shprehet në një reagim në rrjete sociale se sa herë protestuesit ia thonë në sy Edi Ramës që është hajdut, ai dërgon rojet private me uniformë shtetërore.
Po ashtu, sa herë qytetarët denoncojnë me zë të lartë skandalet korruptive para zyrës së Krim-Ministrisë, ndaj tyre mësyn një ushtri forcash policore, me qëllimin e mbytjes së zërit qytetar.
Më tej, Shqipëria Bëhet thekson se sërish sot, për të disatën herë, edhe pas pushimit të çështjes nga Prokuroria, Policia e Shtetit vërtetoi se vepron nën urdhrat kriminalë të Edi Ramës.
“Në mënyrë të dhunshme dhe të jashtëligjshme, shkatërruan dhe morën çdo objekt të protestuesve.
Kjo është shenja e një shteti që ka rënë në çdo qelizë, por që duhet të zgjojë tek secili prej nesh frymën e reagimit dhe revoltës.
Çdo ditë në shesh! Ora 19:00, te Krim-Ministria!”- shkruan Shqipëria Bëhet krahas një video nga protesta.
