Një sherr që ka degraduar në përdorimin e armëve të ftohta, është regjistruar mëngjesin e kësaj të premte, në Durrës.
Sipas Policisë disa nxënës të shkollës 9-vjeçare në Shën Vlash, janë përleshur mes tyre dhe si pasojë ka mbetur i plagosur me thikë njëri prej tyre.
Sipas informacioneve, i mituri ka marrë goditje me thikë në qafë dhe është nisur drejt spitalit të Durrësit për ndihmë mjekësore, ndërsa të miturit e tjerë janë shoqëruar nga Policia.
“Rreth orës 09:30, në shkollën e fshatin Shënavlash, janë konfliktuar fizikisht me njëri-tjetrin disa nxënës të moshave 15, 16 dhe 17 vjeç. Nga konflikti është dëmtuar lehtë një 15-vjeçar. Shërbimet e Policisë, me marrjen e njoftimit, kanë shkuar menjëherë në ambientet e shkollës dhe i kanë shoqëruar të miturit në ambientet e Komiariatit të Policisë, për veprime të mëtejshme”,– ka njoftuar Policia.
