Kreu i Partisë Demokratike, Sali Berisha dhe përfaqësues të tjerë të opozitës u bënë ‘gardh’ te Foltorja, “mollë sherri” u bë fjala e deputetëve të opozitës.
Kryetari Sali Berisha doli në podium dhe në momentin që kryeparlamentari Niko Peleshi lezonte dekretet për shkarkim dhe emërim, që më pas i kalonte edhe në votim, Berisha akuzoi ministrat e larguar, Ramën dhe ata që po emëroheshin.
Ai tha se kriminelët e kanë vendin në burg, ndërsa shtoi se socialistët do e veotjnë dhe do shkojnë ta vizitojnë Ballukun në qeli.
“Prisni, zbatoni urdhra, por u garantoj se do votoni kokëvarur që ajo të shkojë në burg. Dhe pastaj edhe të tjerët. A e shihni çfarë ndodh me Ajatollahun apo jo? Shqiptarët janë zgjuar, shqiptarët shohin diktatorët të bien njëri pas tjetrit. Mendoni se do durojnë Edi Ramën? Jo, koha e tij ka marrë fund. Koha juaj ka marrë fund. Vendi juaj është atje ku shkojnë kriminelët”, tha Berisha.
“Histeri politike. Keni mbaruar. Jeni si Lubia, keni firmosur. keni firmat te Lubia, keni firmosur!”, vijoi ai, duke kujtuar ministrin e shkarkuar të Mbrojtjes, Pirro Vengu, për firmat që kishte hedhur si Drejtor i Portit Durrës dhe më pas si ministër.
“Do votoni kokëvarur që Lubia të shkojë në burg! Koha e diktatorëve ka ikur, shqiptarët janë zgjuar Histeri, histeri politike duartrokitja juaj. Po shihni se si do dalë kjo duartrokitje. Prisni, prisni!”, shtoi Berisha.
