Gazetari Basir Çollaku thekson se dosja e shumëpërfolur e ish-ministres Belinda Balluku ka kapërcyer tashmë kufijtë e një skandali të thjeshtë, duke u shndërruar në një “mega-proces” që e vendos kryeministrin Edi Rama përballë presioneve të forta ndërkombëtare dhe afatit fatal të 5 marsit.
Çollaku u shpreh se Balluku funksionon në praktikë si një “kryeministre de fakto”, duke ushtruar shantazh mbi shefin e ekzekutivit dhe duke kontrolluar materialet që mund të ndikojnë drejtpërdrejt në vendimmarrjen e Ramës.
Sipas tij, vizita e zyrtarëve të drejtësisë në Bruksel nuk ishte rutinë, por një mision i rëndësishëm për të adresuar shqetësimet e partnerëve ndërkombëtarë mbi dosjet me peshë, që lidhen me trafikun e narkotikëve dhe pastrimin e parave, ku Shqipëria konsiderohet një kanal kyç për kartelët ndërkombëtare.
Vizita e zotit Braho në Bruksel nuk është vetëm një vizitë rutinë. Ka dhe prokurorë të gjykatës; pra, gjyqësori është në një farë mënyre në një lloj provimi, një lloj testimi, një lloj llogaridhënie, por edhe porosi-marrje. Jam tërësisht i bindur, sepse janë shumë dosje të tjera që janë në Bruksel, janë në Itali, janë në Gjermani; aty janë përfaqësues të drejtësisë së këtyre vendeve, ku duhet të përcjellin, le të themi, edhe shqetësimet e tyre për çështje të cilat kanë katër-pesë vite të pashqyrtuara, të paçuara në gjykatë.
Dhe janë çështje me peshë të madhe, sidomos në lëmin e narkotikëve, pastrimit të parave, aty ku është edhe alarmi, le të themi, evropian dhe amerikan i përbashkët, se tashmë Shqipëria, apo mafia shqiptare dhe lejuesi i pastrimit të parave të tyre, që është kryeministri i vendit Edi Rama Sinaloa, Xhenarada e re, dy kartelet më të forta në planet, që kanë lidhje me mafian shqiptare sepse këtu është kanali më i hapur, këtu është ndikimi më i madh në qeveri dhe këtu është mundësia më e madhe për të pastruar para.
Por ajo çfarë vihet re në këtë kontekst, unë besoj që zoti Braho ka shkuar edhe me inventar, por edhe me fletmarrje. Ne, jam i bindur për këtë, zoti Braho dhe kjo prokurori e posaçme do të depozitojë të tjera kërkesa për heqje imunitetesh në Kuvend.
A përveç zonjës Balluku? Përveç zonjës Balluku. Sigurisht, ky mandat ka mbaruar. Natyrisht që edhe Rama është pa mandat, sepse nuk do shumë mend kjo punë. Janë materialet e publikuara, por shumë të tjera të cilat janë në proces atje. Ajo është bashkëpunim. Është bashkëpunim.
Po pse e ka thirrur në kryesi zonjën Balluku? Ndryshimet në qeverisje u lexuan si një konfirmim… Zonja Balluku është, zonja Balluku është kryeministre e vendit aktualisht. Është kryeministre e vendit, sepse edhe ndryshimet në qeveri i bëri zonja Balluku. Edhe largimet nga qeveria i bëri po ajo. Pra, materialet shantazhuese që ajo posedon ndaj Ramës dhe ekipit, madje di që edhe një nga ministrat është vendosur edhe pa dëshirën e tij.
Por kjo strukturë përgjuese shantazhuese… po sigurisht, është vendosur; kemi parë që janë njerëz të vartës të Ballukut dikur. Është një lloj garancie që zgjatohet tashmë në zyrat, nga ku dalin provat, nga ku duhet të dalin dosjet, siç thanë edhe prokurorët; pra, vonesa për të dorëzuar materialet.
Po pra, ka lënë, le të themi, digat pasardhëse; ka lënë njerëz të tjerë për të mos mundur të avancojë hetimi me shpejtësinë e kërkuar, ose për të dëmtuar sa të mundet. Prandaj po them që ky shantazh është duke u munduar të bllokojë rrugën, jo thjesht drejt vetvetes, por edhe ndaj Ramës.
Pra, nuk kemi vetëm Belinda Ballukun dhe Edi Ramën në këtë proces, por janë edhe disa biznesmenë, që janë të shumëpërmendur në këto dosje. Dhe tashmë kemi një ekip që ka shpërndarë gjithë buxhetin e shtetit me njëri-tjetrin. Pra, kemi klubin privat të pandehur, të ministrave, kryeministrit, drejtorëve të, fjalë të nivelit të lartë, edhe biznesmenët. Dhe kjo është… çfarë është tjetër këtu? Mungon vetëm, formalisht, besoj, organizata kriminale.
Po sigurisht. Edhe te AKSHI, sigurisht, alarmi i Ramës është prezent, më i madh se sa te Balluku. Ai thjesht nuk është duke dashur të prishë atë çelësin e vënë formalisht deri tani, se organizata kriminale, ajo histori hyn edhe tek shtëpia.
Është një mega-proces që… Ka, Belinda Balluku ja ka hapur derën e mega-procesit. Se është Edi Rama, është Linda Rama, është Olsi Rama. Unë s’e di sa gjë është me mbiemrin Rama që mungojnë aty.
Pra, unë shoh, shoh 5 marsin fjalën që një ultimatum të Ramës ndaj vetvetes, nuk është pa rrugëdalje. Nuk është pa rrugëdalje; nuk ka kush të shkojë tjetër.
Do ta dorëzojë. E ka dorëzuar ai Ballukun. E ka dorëzuar ai Ballukun. Ky formalitet, këto akrobaci që bën Rama, duke u munduar të zgjasë pesë ditë, zgjat shtatë ditë, ai e di shumë mirë, siç e tha edhe parafolësi, që një ripërsëritje vetëm sa e rëndon pozitën e Ramës dhe jam i bindur që njerëz dashamirës me drejtësinë do t’i vënë në dispozicion Ramës, informalish ose publikisht, materiale të cilat do ta bëjnë atë të nxitojë drejt votimit.”- tha ai për Task Force.
