Elton Alushi është shkarkuar nga posti i drejtorit të Policisë së Tiranës.
Njësoj si me Ilir Prodën, edhe largimi i Alushit, vjen me motivacionin se nuk ka garantuar sigurinë e qytetarëve në protestën që PD organizoi ditën e djeshme.
Ndërkohë kujtojmë se më 7 Mars 2025 Alushi ka qenë i thirrur edhe në Prokurorinë e Posaçme.
Pas daljes nga godina e SPAK, drejtori i Policisë së Tiranës nuk ka komentuar për mediat.
Elton Alushi e mbante postin e kryepolicit të Tiranës prej nëntorit 2024, pas largimit nga detyra të paraardhësit të tij Tonin Vocaj.
