Kreu i Komanduar i Policisë së Shtetit, Sokol Bizhga ka vendosur pezullimin nga detyra të Ulian Shpatarakut.
Shpataraku ushtronte funksionin e Asistentit në Departamentin për Teknologjinë e Informacionit në Policinë e Shtetit dhe sipas raportimeve në media pezullimi i tij është vendosur për moszbatim të hapur të dispozitave ligjore gjatë përmbushjes së detyrave funksionale.
Shpataraku është aktualisht duke ndjekur studimet e masterit në Akademinë e Sigurisë dhe sipas raportimeve me argumentin e vijimit të studimeve, nuk paraqitej rregullisht në punë. Si pasojë Bizhga e ka pezulluar nga detyra.
Ndërkohë kjo është lëvizja e parë e Bizhgës, pas komandimit në postin e kreut të Policisë së Shtetit pas shkarkimit të Ilir Prodës.
Bizhga u komandua për shkak të funksionit si zv.drejtor i Përgjithshëm i Policisë dhe në mungesë të drejtorit (Elton Alushi, i cili gjithashtu u shkarkua), Bizhga mori detyrën.
Ndërkohë Shpataraku njihet ndryshe edhe si mik i Ilir Prodës. Ai ka punuar si zëvendës i Prodës në Elbasan dhe të dy njihen për miqësi të ngushtë mes tyre.
LEXO EDHE:
Konkursi fiktiv/ Pas çdo “porosie” të plotësuar për Ramën, Proda sistemon një shok drejtor
