Drejtori i Policisë së Tiranës, Elton Alushi, ka dhënë dorëheqjen nga posti mesditën e kësaj të hëne.
Burime për mediat bëjnë me dije se kërkesa e tij për dorëheqje ndodhet me Drejtorinë e Përgjithshme, ndërsa pritet që në orët në vijim të ketë një përgjigje zyrtare për drejtuesin e policisë.
Elton Alushi e mbante postin e kryepolicit të Tiranës prej nëntorit 2024, pas largimit nga detyra të paraardhësit të tij Tonin Vocaj.
Nuk dihen ende arsyet e dorëheqjes, ndërsa kujtojmë se më 7 Mars 2025, ai ka qenë i thirrur edhe në Prokurorinë e Posaçme. Pas daljes nga godina e SPAK, Alushi nuk ka komentuar për mediat.
