Edi Rama ka reaguar ditën e sotme në lidhje me degradimin dhe shembjen e pothuajse gjysmës së rrugëve të ndërtuara në vendin tonë, disa prej të cilave të inaguruara me bujë nga vetë ai.
Në një postim në rrjetin social “X”, Rama, është munduar sërish të tregojë se gjithë ky kolaps është normal dhe ndodh kudo në botë, teksa ka nxjerrë disa pamje nga një rrugë e dëmtuar në Portugali, ku nuk i ka kursyer thumbat për opozitën.
Është çudi, thotë Rama se si opozita nuk e ka denoncuar në SPAK, këtë vepër të korrupsionit.
“Çudi e madhe, në Portugali ka ndodhur kjo nga të njëjtat fenomene, po s’po e marr vesh se mirë opozita portugeze është në gjumë, mirë edhe ato pak tenxhere mediatike të Portugalisë janë me temperaturë të ulët e s’ka vend për gjithë këtë rrugë të re, po si ka mundësi që opozitat e këtushme nuk e kanë denoncuar akoma në SPAK këtë vepër të korrupsionit dhe si është e mundur që 700 tenxheret e flakta të mexhelisit tonë mediatik, nuk kanë thirrur gjithollogët e tyre që të jashtënxjerrin faktet e tmerrshme që fshihen nën asfaltin e këtij korrupsioni qeveritar, ku padyshim është dora e narkoshtetit shqiptar”,- shkruan Rama.
Çudi e madhe, në Portugali ka ndodhur kjo nga të njëjtat fenomene, po s’po e marr vesh se mirë opozita portugeze është në gjumë, mirë edhe ato pak tenxhere mediatike të Portugalisë janë me temperaturë të ulët e s’ka vend për gjithë këtë rrugë të re, po si ka mundësi që opozitat e… pic.twitter.com/UeAyAl6uE3
— Edi Rama (@ediramaal) February 25, 2026
