Kreu i ARRSH, Ami Kozeli, ka folur këtë të martë mbi gjendjen katastrofike të krijuar nga shembja e aksit Librazhd-Prrenjas, ku si pasojë është bllokuar gjithë juglindja.
Në një konferencë për mediat, Kozeli, u shpreh se fajtor për shembjen e rrugës, sipas tij, janë reshjet intensive dhe erozioni lumor, duke harruar gërryerjet e bëra përgjatë lumit Shkumbin nga kompania e klientëve të Ramës.
Kozeli ka deklaruar më tej se pasi bllokuan gjithë juglindjen dhe e ndanë Shqipërinë në dy pjesë, tani do të ndërtojnë një rrugë alternative që sipas tij do të zgjidhte situatën, por duke mos dhënë një afat se kur do të përfundojë.
“Mbetet ndikimi i reshjeve intensive, erozioni lumor që ka çuar në një rrëshqitje masive aktive. Në mbledhjen e djeshme, datë 24 shkurt, u morën këto vendime:
Ndërtimi i një rruge të re alternative përgjatë hekurudhës në shtratin e lumit Shkumbin. Prishja e urës ekzistuese dhe lehtësimi i ngarkesës në rrugën e rrëshqitur deri në ndërtimin e një skarpate natyrale. Sistemi dhe disiplinimi i urave sipërfaqësore në të gjithë zonën e planit të rrëshqitjes.
Aksi Librazhd–Prrenjas është me rëndësi strategjike dhe do të rikthehet në funksion të plotë pas sigurimit të situatës”,– tha Kozeli.
LEZO EDHE:
Klientët e Ramës/ Kompanitë ANK dhe 2T morën miliona euro dhe shkatërruan rrugën Librazhd-Elbasan
