Kreu i Partisë Demokratike, Sali Berisha theksoi se Edi Rama dhe Belinda Balluku nuk do të gjejnë “vrimë miu” dhe do t’i ndëshkojnë me forcën e ligjit.
Në fjalën e tij, para protestuesve të mbledhur para Kryeministrisë, Berisha theksoi se kryeministri Rama përdor krimin për të qëndruar në pushtet.
Ai përmendi skandalin e AKSHI-t, dhe abuzimet e Belinda Ballukut, e akuzuar nga SPAK, ndërsa shtoi se PD, sipas tij do të rikthejë normalitetin në vend.
“Që ndërron Duabin e 1 mijë e 1 netëve. Qindra milion euro me AKSHI-n e Lindave. Qindra milioë euro me Erion Veliajn dhe inceneratorët. Miliarda me Lubinë e tij në rrugë dhe punë që nuk janë kryer kurrë, dhe këto para, përveçse në parajsat e tyre shndërrohen në një krim të tmerrshëm elektoral, në vota të blera, dhe votat e blera shndërrohen në vjedhje më të mëdha. Ndaj edhe shqiptarët marrin rrugët e dheut si popull që braktis vendin. Edi Rama, ky armik i egër i qenies së shqiptarëve njëlloj si babai i tij shpirtëror ka vendosur mbi shqiparë censurën dhe mashtrimin.
Jemi këtu sot për tu zotuar se do të rikthejmë zgjedhjet e lira në Shqipëri dhe se Shqipëria do të jetë një vend normal, i bekuar sic e ka bërë zoti, i njerëzve të lirë. Miq, nëse Enver Hoxha përdori kundër shqiptarëve policinë xhelatë të sigurimit të shtetit, Edi Rama përdor falangat e krimit, organizatat kriminale, kartelet e drogës, Ergysët e administratës për të kontrolluar vullnetin e qytetarëve, për t’i plaçkitur, poshtëruar e vrarë. Përdor krimin për të qeverisur Shqipërinë. Zero tolerancë ndaj krimit të organizuar.
Aldo Baret sot janë Edi Rama, Lubi Balluku dhe ministrat e tij kurse kartelet e drogës Elvis Doci dhe Suel Cela janë ushtarët e tyre. Edhe prapa diellit do t’i ndëshkojmë me forcën e ligjit.”, tha Berisha.
