Me në krye kreun e Partisë Demokratike, Sali Berisha, protestuesit janë nisur drejt Kuvendit, ku pritet të vijojë tubimi i opozitës.
Lëvizja drejt godinës së Kuvendit vjen pas tensioneve të regjistruara më herët para Kryeministrisë.
Për disa momente pati përplasje mes protestuesve dhe forcave të policisë, ku u hodhën molotovë dhe fishekzjarrë në drejtim të Kryeministrisë.
Aktualisht përpara parlamentit janë duke qëndruar disa kordone me efektivë policie.
