Kreu i Partisë Demokratike, Sali Berisha, gjatë mbledhjes së grupit parlamentar të PD-së, ka akuzuar kryeministrin Edi Rama për izolim të Shqipërisë dhe për kapje të institucioneve shtetërore.
Berisha tha se Rama po ndikonte tek partnerët ndërkombëtarë për të ndaluar ndihmat për vendin dhe për të penguar procesin e integrimit në Bashkimin Europian.
Ai gjithashtu kritikoi sjelljen e kryeministrit ndaj ish-drejtoreshës së AKSHI-t, Mirlinda Karçanaj, duke sugjeruar se Rama ka frikë nga bashkëpunimi i mundshëm i saj me drejtësinë.
“Ka funksionuar si organizatë e mirëfilltë kriminale e drejtuar nga Ergys Agasi.Flisni për Epstein, ja u them unë nuk është gjë Epstein çfarë është Ergys Agasi për Shqipërinë. Agasi është gropa më e zezë që mund të imagjinohet për Shqipërinë.
Ai kontrollonte dhe vidhte çdo qytetar, vidhte të dhënat. Vidhte ato që kishin shqiptarët në telefona, kompjutera, etj.
Shërbimin Informativ Shtetëror e kishte një kafe, një gotë uji. Edhe në krye të SHISH është një si Mirilinda. Shteti ishte Ergys Agasi, ishte Edi Rama. Kjo është e vërteta”, u shpreh kreu i PD-së.
