Kryedemokrati Sali Berisha komentoi deklaratat e kryeministrit Edi Rama një ditë më parë në mbledhjen e Grupit Parlamentar të PS, ku u prezantua nisma për ndryshimet ligjore.
Berisha shprehet se Belinda Balluku mund të bëhet e penduar e drejtësisë dhe të marrë me vetë edhe Edi Ramën.
Kreu i PD, aludon se tre dorëheqjet e Ballukut i ka sajuar vetë Edi Rama, pasi sipas Berishës në takimin në kryeministri me Ulsi Manjën dhe Engjëll Agacin, ajo ka refuzuar dorëheqjen.
“Dje doli dhe u betua për kokën e Lubisë, njëra ishte e gatshme të ngashërehej nga mallëngjimi, tjetri të betohej për kokën e saj. Cinizëm ekstrem. Ai thotë se Lubia dha tre herë dorëheqjen. Këtu zbuloi veten, nuk e lejoi se do ta marrë me vete. U faktua ajo që kemi thënë. E dimë që Lubia bëhet pentito dhe hajde zeri besë të penduarës Lubi. Ndaj ky tregon që ka dhënë dorëheqjen dhe ku nuk ka pranuar. Por në debatin 5 orësh në prani të Ulsiut dhe Agacit, ajo ka kundërshtuar preras me dhënien e dorëheqjes. Ai ka firmosur vetë ato dorëheqje vetëm për alibi dhe mashtrime”, tha Berisha.
