Kryetari i Bashkisë së Kavajës, Fisnik Qosja, është shfaqur në një aktivitet publik për mbjelljen e pemëve në qytet, përkrah ish-deputetit socialist Etjen Xhafaj.
Ky i fundit është mik me Erion Veliajn, për të cilin ka shprehur mbështetje edhe pas arrestimit me urdhër të SPAK-ut (mbase tek Fisniku ka gjetur një pjesë të mikut të tij te mbjellja e pemëve).
Etjen Xhafaj ka qenë një prej figurave aktive të mazhorancës në zonë dhe gjatë zgjedhjeve vendore duke u rreshtuar përpallë Qoses. Sot ai shfaqet në një aktivitet institucional përkrah një kryebashkiaku demokrat.
A është kjo thjesht një nismë për gjelbërim, apo një sinjal që kryebashkiaku demokrat ka filluar të ndjehet “rilindas”?
Në një kohë kur Partia Demokratike, flet për regjim, për kapje shteti dhe për përballje frontale me qeverinë, Fisniku bashkëpunon me përfaqësues të mazhorancës dhe popzon përpara kamerave.
