Emigrantët shqiptarë në Itali kanë thirrur një protestë në Milano, kundër qeverisë së Edi Ramës.
Sipas një slogani të ndarë në rrjete sociale, njoftohet se protesta do të mbahet më datë 22 shkurt.
Sipas njoftimit arsyeja përse emigrantët protestojnë, është sepse keqqeverisja e Ramës, korrupsioni dhe taksat e larta i kanë detyruar të braktisin atdheun e tyre.
Ndërkohë protesta kundër Ramës janë regjistruar edhe në vendin tonë. Partia Demokratike dhe Shqipëria Bëhet kanë nisur prej vitit të kaluar protestat para Kryeministrisë, ku kërkojnë largimin e Ramës pas korrupsionit dhe aferave që përfshinë qeverinë e tij.
