Vija bregdetare e Dhërmiut është përballur sot me ndotje të dukshme, duke marrë ngjyrë kafe si pasojë e dherave dhe mbetjeve inerte që kanë përfunduar në det.
Fenomeni është vënë re përgjatë bregut, ku uji ka humbur kthjelltësinë dhe ka ndryshuar ngjyrë për shkak të prurjeve të materialeve nga zona përreth.
Banorë dhe pushues shprehen të shqetësuar për situatën, ndërsa kërkohet ndërhyrje e institucioneve përkatëse për verifikimin e burimit të ndotjes dhe marrjen e masave për pastrimin e zonës.
