Presidenti i Shteteve të Bashkuara, Donald Trump, ka deklaruar se ekziston mundësia që brenda një muaji të arrihet një marrëveshje me Iranin për programin bërthamor.
Gjatë një prononcimi për gazetarët, kreu i Shtëpisë së Bardhë u shpreh se administrata e tij synon arritjen e një marrëveshjeje me Teheranin, por paralajmëroi se në rast dështimi situata mund të përshkallëzohet.
“Ne duhet të bëjmë një marrëveshje, përndryshe do të jetë shumë traumatike për Iranin. Mendoj se diçka e tillë mund të ndodhë muajin e ardhshëm.
Do të ndodhë shumë shpejt. Unë do të flas me iranianët për aq kohë sa të dua”, tha Trump.
