Një 28-vjeçar është arrestuar nga Policia e Tiranës, pasi akuzohet për armëmbajtje pa leje.
Burime zyrtare bënë me dije se pas hekurave ra shtetasi me inicialet A. M.
Nga kontrolli i ushtruar në banesën e tij në fshatin Pezë e Vogël, u gjet e fshehur në papafingo një armë zjarri pistoletë, e cila u sekuestrua së bashku me celularin e të arrestuarit.
Materialet procedurale iu referuan Prokurorisë së Tiranës, për veprime të mëtejshme ligjore.
