Një 28-vjeçar nga Bulqiza është kapur dhe vënë në pranga nga shërbimet e Komisariatit të Policisë Bulqizë, pas një periudhe njëvjeçare në kërkim.
Shtetasi D.T., 28 vjeç, banues në Bulqizë, ishte shpallur në kërkim për veprat penale “Plagosja e lehtë me dashje”, “Shkatërrimi i pronës”, “Vjedhja” dhe “Drejtimi i automjetit në mënyrë të parregullt”.
Ngjarja për të cilën ai akuzohet ka ndodhur në shkurt të vitit 2025, pranë rrethrrotullimit të fshatit Fshat, ku D.T. ka dhunuar fizikisht një 51-vjeçar, shtetasin I.A., i ka marrë automjetin dhe më pas e ka dëmtuar.
Gjykata e Dibrës ka vendosur ndaj tij masën e sigurisë “Arrest me burg” për veprat e lartpërmendura.
