Një 74-vjeçar ka humbur jetën gjatë transportimit me autoambulancë nga Spitali i Durrësit drejt Spitalit të Traumës në Tiranë.
Sipas njoftimit zyrtar të policisë, ngjarja ka ndodhur më 9 shkurt.
Viktima, shtetasi me iniciale H.D., dyshohet se ishte dëmtuar pasi ishte rrëzuar nga shkallët e banesës së tij.
I moshuari kishte pësuar lëndime të rënda dhe fraktura, kryesisht në kokë, dhe nuk ka mundur të mbijetojë.
“Më 9 shkurt, ka humbur jetën gjatë transportimit me autoambulancë, nga spitali i Durrësit në spitalin e Traumës, shtetasi H. D., 74 vjeç, i cili dyshohet se është dëmtuar pasi është rrëzuar nga shkallët e banesës”, thuhet në njoftimin e policisë
